7 deltakarar - 11 medaljar

Ni år gamle Lars Eirik Vevatne har nettopp blitt gamal nok til å delta i karatekonkurransar. Han var kanskje den som var mest spent før stemnet i Sveio, men klarte seg veldig bra. Fleire dommarar hadde han som vinnar i både kamp (kumite) og mønster (kata).

- I dei yngste klassane blir det ikkje gjeve medaljar eller plassering, men Lars Eirik hadde ein flott debut og kan vera stolt over både innsats og prestasjon, seier lagleiar Henrik Reed-Larsen.

Gode 12-åringar

Tiril S. Haaland vann som vanleg gull i klassen jenter 12-13 år etter tre gode kampar.

I klasse gutar 12-13 vann Armin Palislamovic gull etter ei rekkje imponarande kampar, medan klubbkameraten Mathias Sørensen sikra seg sølvmedaljen etter sterk fighting i innleiande rundar.

Armin tok også sølv i kata.

- Dette er tre store talent som trener mykje og seriøst, og eg er ikkje overraska over at alle tre kom til finalen, sier Reed-Larsen.

Gull til Vegard og Amanda

Armin sin storebror, Aner Palislamovic, vann sølv i både kamp og kata i klasse gutar 16-17 år.

I finalen i kamp møtte han den råsterke klubbkameraten Vegard Gjøsund, som nok ein gong leverte kampar av høg kvalitet.

Vegard tok sist to bronsemedaljar i europameisterskapen i Wado-karate i Hellas, og var sjølvsagt storfavoritt før stemnet.

I dei eldste jenteklassane blei juniorklassen slått saman med seniorklassen. Junioren Amanda Njøten vann gull etter 3-1 mot klubbvenninna Elena Andrés.

I kata vann Elena sølvmedalje medan Amanda tok bronse.

Åsmund er helten

Dei siste åra har Os Karateklubb vore den dominerande karateklubben i Hordaland i konkurransar.

Bestemann er Åsmund Slettevold, som i NM i vår vann alle kampane sine 8-0 før full tid, og som i haust har vunne medalje i storstemna Banzai Cup i Berlin, Stockholm Open og Europameisterskapen i Wado-karate i Athen.

- Vi har er eit svært godt miljø og eit solid støtteapparat med engasjerte foreldre og mange flinke trenarar. Rundt 15 utøvarar trener minst éi økt for dagen, og dei ivrigaste ligg på over 20 timar hardtrening i veka.

– Neste år kjem vi til å satsa på endå fleire internasjonale stemne. At Åsmund Slettevold er i verdstoppen uansett stilart er til stor inspirasjon for mange, ikkje minst dei yngste som Åsmund er eit flott forbilde for, seier Cato Bruarøy, hovudinstruktør i Os Karateklubb.