Lokal | 17. mai 2009

70-åring med promille

Kvinna som kjørte utfor ved Elvebakken hadde fleire nestenulykker før turen stoppa. No er den over 70 år gamle sjåføren mistenkt for promillekjøring.

70-åring med promille
Kjetil Vasby Bruarøy
Kjetil Vasby Bruarøysøndag 17. mai 2009 20:06

Ho blei utruleg nok ikkje hardt skadd, kvinna som landa på taket etter ei vill ferd langs Byvegen i 18-tida 17. mai.
Ambulanse kom raskt til staden, det gjorde også brannvesenet, som grunna melding om bil i elv rykte ut også med eit dykkarlag.

- Det gjekk fint å få opp både dør og vindauge på bilen, men sidan sjåføren hadde vore med på eit rundkast blei ho sikra godt før vi tok ho ut, fortel brannsjef Stein Gjøsund.

Luftambulansen rykte også ut, men kvinna var berre lettare skadd, så ho blei sendt til sjukehus med ambulanse for sjekk.

To nestenulykker før utforkjøringa
Eit vitne midtsiden.no har snakka med fortel om ei vill ferd før utforkjøringa.

- Eg kom kjørande forbi Flåten mot Os. Framfor meg og to bilar kjørte ein moped, og denne blei nesten råka av kvinna då ho kjørte ut frå Idrettsvegen.

Mopedisten tok ein kraftig unnamanøver. Toyotaen til kvinna blei ståande igjen med bilen halvvegs ut på Byvegen. Så kom bilen bak mopedisten forbi, men då suste kvinna fram, i staden for å venta, så denne måtte bråbremsa.

- Ho vingla seg bortover på sperrelinja. Vi kjørte etter, og då vi kom rundt svingen der vi ser avkjørsla til Gymnasvegen var kvinna vekke. Ho må ha kjørt svært fort. Vel framme ved Elvebakken såg vi ein hund i vegbanen. Den viste seg seinare var kvinna sin hund, fortel vitnet.

Ein sherry for mykje?
Promillekontroll på staden gav utslag.

- Kvinna, som er over 70 år, er mistenkt for promillekjøring, seier operasjonleiar Terje Hilland til midtsiden.no.

Det var ingen passasjerar i bilen. Det var heller ingen andre bilar involvert i ulykka. Hunden såg ut til å komma frå det utan skadar.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.