- 25. feb. 2021

Over 70 må i karantene minst halve vinterferien

Elev ved Nore Neset ungdomsskule smitta.

Nore Neset ungdomsskule. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 25. feb. 2021 17:56

Torsdag ettermiddag fekk ein elev ved Nore Neset ungdomsskule påvist covid-19.

Guten testa seg i går, grunna symptom, og no må to og ein halv klasse på 9. trinn i karantene.

Smitteveg er foreløpig ukjent. Eleven har hatt undervising saman med andre klassar, derfor må fleire i karantene.

– I alt har vi kontakta rundt 70 familiar og fortalt at eleven må i karantene. Alle skal testa seg i morgon.

68 elevar og 9 lærararer no i karantene.

Lang karantene

– Sidan vi ikkje kan utelukka at det er ein mutert variant, vil vi òg ha folk i same husstand i ventekarantene til eventuelt negativt prøvesvar kjem laurdag.

Elevane blir oppmoda å bestilla time til smittetest på nett, så ikkje alle 70 ringer på morgonkvisten fredag. Alle skal testa seg på ordinært testsenter i Kolskogen.

Sjølv om eleven måtte få negativt prøvesvar laurdag, skal vedkomande bli verande i karantene til det har gått sju døgn frå siste nærkontakt med påvist smitta.

– Dei må testa seg ut av karantena. Dersom også neste svar er negativt, er dei ute av karantene onsdag ettermiddag i neste veke, seier Melf.

– Eg forstår at dette er tungt for mange, sidan elevane har vinterferie. Eg føler med dei, legg han til.

Elevar og lærarar i karantene, som eventuelt opplever symptom, skal i isolasjon.

Datoane for dei smitta i Bjørnafjorden til no

Til no i 2021: 23
Totalt smitta: 126
24. februar: Elev ved Nore Neset ungdomsskule. 70 i karantene.
24. februar: Kvinne i 20-åra, truleg smitta i ein nabokommune.
23. februar: Mann i 40-åra, testa i samband med innreise til Noreg.
23. februar: Mann i 20-åra, testa i samband med innreise til Noreg.
8. februar: Jente som er elev ved Os vgs. Smitta av kontakt i Bergen.
8. februar: Kvinne i 20-åra. Smitteveg ukjent.
12. januar. Mann i 40-åra, smitta av nærkontakt mens han var i karantene.
8. januar: Par i 20-åra og son på 4 år. Testa i samband med innreise.
5. januar: Kvinne i 30-åra. Testa i samband med innreise til Noreg.
5. januar: Mann i 30-åra. Testa i samband med innreise til Noreg.
5. januar: Mann i 50-åra. Testa i samband med innreise til Noreg.
4. januar: Åtte nye smitta, frå 5 år til i 60-åra. Høgaste tal på éin dag til no.
3. januar: Kvinne i 30-åra og hennar 1 år gamle born. Smitta av nærkontakt.

2020 haust (10. august til 31. desember): 89 smittetilfelle
2020 vår (11. mars til 14. april): 15 smittetilfelle

Totalt i 2020: 104 Sjå liste over alle

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • For heile familien (6 pers)
  • Utan bindingstid
  • Berre 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.