800 utan straum

Cirka klokka 8.10 tysdag morgon velta eit tre over ein straumkabel på Utgjerdet like nord for Os sentrum.

- Dette er det vi kallar Søftelandslinja, ein straumlinje som leverer til 800 kundar, fortel informasjonssjef Juliet Balgobin i BKK.

Klokka 9.40 var BKK ferdig med omkopling og klokka 9.55 var nettet stabilt.

- Dette var raskt levert. Korleis klarte de å vera på plass så raskt i denne snøtunge trafikken?

- Vi har folk ute i felten heile tida, og 90 minuttar kan også opplevast som lenge, for eksempel om du skal laga ein omelett til frukost, seier Juliet og ler.

Ho veit ikkje om det var vekt av tung snø som felte treet, men kundane som var utan straum kan no nyta både egg og frukost-TV