9. og 5. plass i VikingTour

Norges Tour de France og Verdens Vakreste Sykling kallar dei sitt eige ritt, arrangørane av VikingTour, som går bratte ruter i sju dagar rundt Jotunheimen.

Osingane Kjetil Lunde og Bjarte Rasmussen frå CK Henie meldte seg på for å halda formen i sommar.

– Men det skjer noko når du får eit startnummer på ryggen, seier Kjetil Lunde.

• Kjetil Lunde kom på ein fantastisk 5. plass i klassen (23 til 39 år) og 6. plass uansett klasse blant 188 påmeldte syklistar.

• Bjarte Rasmussen kom på 9. plass i same klasse, på 13. plass totalt.

Dei to meldte seg på saman med ein sykliste frå Åsane CK, Christer M. Nordeide, under Team Bergen.

Laget låg i går på 4. plass for lag, det er førebels uvisst om plasseringa er endra etter siste dag.

Løypa er på til saman drygt 60 mil, med start og mål på Beitostølen, og har fleire lange, bratte parti, blant anna eit på ekstreme 18 prosent stigning.

Midtsiden kjem tilbake med fleire bilde og meir om det flott rittet og dei strålande resultata av ryttarane frå Os.

Midtsiden samleside: Sykling