Noko for deg?

Midtsiden.no har vore i positiv vekst den siste tida, og har frå 2022 òg kvalifisert for produksjonstilskot (pressestøtte).

Det gir rom for etterlengta utviding av redaksjonen.

Vil du vera med på å gjera lokalavisa Midtsiden endå betre?

Ledige stillinger

(publisert 23. november 2023)

Journalist, 100 % fast
Journalist, deltid*

*vi ser etter éin til to journalistar (avhengig av kven som søkjer) som anten er allsidige eller som spesialiserar seg innan politikk og/eller næringsliv.

For å søkja bør du vera ein som:

• Har relevant erfaring og/eller utdanning
• Skriv nynorsk
• Evnar å jobba effektivt, men også til å setja deg godt inn i krevjande saker
• Tar gode bilde, og gjerne også har erfaring med videoproduksjon
• Er engasjert, med eigne idear og auge for interessante tema
• Har førarkort og disponerer eige køyretøy

Det er òg ein fordel om du kjenner Os godt eller har erfaring frå lokalavis.

Legg ved nokre arbeidsprøvar og minst to referansar.

Søknadsfrist: Snarast
Send søknad til kjetil@midtsiden.no

Kontaktinformasjon
Har du spørsmål om stillinga? Ta kontakt med:
Kjetil Vasby Bruarøy, redaktør og dagleg leiar, tlf: 907 89 270

Om Midtsiden

Sidan 2001 har Midtsiden.no publisert lokale nyhende på nett, tett på osingane og livet i bygda, med fyldige bildeseriar og videoar frå idretts- og kulturlivet, og raske rapportar frå viktige hendingar.

Frå dag éin har mange av lesarane våre vore gode støttespelarar! Vi takkar for alle tips, bilde, ønske og meiningsytringar - eit engasjement som smittar!

Midtsiden har kontor midt i Os sentrum, tett på mykje av det som skjer og med kort veg til krinsane i kommunen.

Heile Os - døgnet rundt:
tips@midtsiden.no
Vakttelefon 97975200 (sms: 90789270)