Alliansen klar for kamp

Bildeserie:

1 av 1

Os og krinsane har samla dei største fotballtalenta i kommunen. Etter rundt 10 treningssamlingar skal dei i morgon spela sin første kamp som Os Allianse.

Det var meininga at allianselaget skulle delta på ein cup i haust, men det blei ikkje noko av. Før dei har avsluttingsfest laurdag blir det likevel kamp.

- Vi får besøk av Solid frå Sunnhordland. Det skal vera eit godt lag vi møter, så det skal bli spennande å sjå korleis talenta våre spelar saman når dei no endeleg skal få kamptrening, seier Roald Stigen.

Kampen blir spelt på den nye kunstgrasbanen på Kuventræ med kampstart klokka 11.30.
(retta tidspunkt)

- Laget har fått nye drakter, i Os inspirerer-farge, med Os inspirerer-logo, seier Roald og viser ei av dei oransje draktene, sponsa av Leif Bjarne Bøyums Minnefond.

Stigen har saman med hovudtrenar Cato Moldskred og Bjørn Mjelva frå Søfteland og Odd Jarle Hjelle frå Nore Neset hatt hovudansvaret for allianselaget, men fleire trenarar frå klubbane har vore engasjert i samarbeidet.

- Dette har vore inspirerande både for oss og spelarane, synes Roald.

Etter kampen blir det avslutting og bading i Osbadet, også for gjestane frå Solid.

- I 2010 vil vi også ta opp spelarar frå 97-årgangen. På hausten neste år kan det henda at også enkelte 98-spelarar får prøva seg saman med dei andre talenta, seier Stigen.

HER ER SPELARANE PÅ OS ALLIANSE,
OS KOMMUNE SINE BESTE 95- OG 96-SPELARAR

Keeparar:
Frode Moberg Øvredal (Os Turn)
Henrik Sandtorv (Nore Neset)

Utespelarar:
Egil Thuen (Nore Neset)
Steffen Ludviksen (Nore Neset)
Ruben Grindevoll (Nore Neset)
Jacob S. Bjørnevik (Nore Neset)
Glenn Krossøy (Kil-Stil)
Preben AA. Skorpen (Kil-Stil)
Thomas Mjelva (Kil-Stil)
Ketil Hollenstein (Kil-Stil)
Fredrik Heggland (Os Turn)
Sander Kvittingen (Os Turn)
Sindre O. Hjelle (Os Turn)
Stian O. Sande (Os Turn)
Joakim Brekke (Os Turn)
Ørjan Glesnes (Os Turn)
Lars E. Lunde (Os Turn)
Espen Borgen (Os Turn)