Alvorleg arbeidsuhell
Ein mann fekk tysdag morgon armen helt eller delvis reven av i samband med borring.
Litt før klokka 8 tysdag morgon fekk politiet melding via AMK om eit arbeidsuhell på industriområdet ved Irgenskrysset.
- Eg kan stadfeste at ein mann blei henta med luftambulanse og frakta til Haukeland, seier politioverbetjent Terje Sperrevik.
Politiet er no på staden for å avhøyre kollegaer av den skadde.
Mannen skal, i følgje vitne, ha fått armen reve av i samband med anleggsarbeid på staden.
- Han skal ha ført ein borrerigg og truleg fått armen i klem. Kor omfattande skadane er kan eg ikkje stadfeste no, seier Sperrevik.
I følgje BA.no skal mannen ha arbeidd på plassen saman med to andre. Ingen av desse skal ha sett kva som skjedde.
Arbeidstilsynet er rutinemessig varsla.