Amanda og Dagny kjem til Tysnes
To av dei viktigaste nykomarane i 2017 er begge klare for Tysnesfest 2018.
Tysnesfest, som blir arrangert 11. til 15. juli i år, har i dag kome ut med to nye namn til årets festival:
Dagny (Norvoll Sandvik), som i fjor var nominert til Spellemannprisen både som årets nykomar og årets låt, og Amanda Delara, som blei kåra til årets nykomar av Gaffa.
– Dagny er eit av namna som verkeleg mange har bedd oss booka i år, seier Øystein Vaage, dagleg leiar i Stiftinga Tysnesfest.
Over Bieber på Billboard
Med låtar som «Backbeat», «Fools Gold» og «Wearing nothing» har Dagny klatra raskt oppover hitlistene. Debusingelen «Backbeat» blei i mai i fjor også spelt på den amerikanske TV-serien «Grey’s anatomy», i episoden «True Colors», mens «Love you like that» fekk merksemd hos Billboards.
Det verdskjente magasinet sette låten på 79. plasspå lista over dei 100 beste låtane i 2017. Bak seg på lista hadde Dagny kjente namn som The Killers, Lady Gaga og Justin Bieber!
– I februar legg Dagny ut på noregsturne, laurdag 14. juli har vi gleda av å sjå Noregs store popkomet på Gjerstad arena. Det blir garantert eit høgdepunkt!
Amanda - årets nykomar
Amanda Delara er sjølvlært musikar og starta tidlig med å skriva eige materiale. Sommaren 2016 blei ho fanga opp av Red Bull Sound Select, noko som resulterte i ein utselt konsert på Parkteateret i Oslo. Ho har i tillegg reist som «special guest» på turneen til Nico & Vinz.
Musikkmagasinet Gaffa kåra Amanda Delara til årets nykomar i 2017.
Hennar mest kjende låtar er «Paper Paper», «New Generation», «Dirhamz», og ikkje minst hennar vakre tolking av Karpe Dime-låta «Gunerius».
– Amanda Delara speler hos oss torsdag 12. juli, fortel Vaage.
– Fleire slepp i vekene som kjem
Tysnesfest fortel om svært godt billettsal.
– Nok ein gong opplever vi å ligga framfor fjoråret.
– I vekene framover vil det koma mange nye og spanande slepp, lover arrangørane.
Desse artistane er til no booka til Tysnesfest 2018:
Susanne Sundfør, Miss Tati, Adam Douglas, Gåte, Bigbang, Kari Bremnes, Amanda Delara, Dagny, Gardsbruk, The Vossa Rebels,
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.