Amanda og Henrik vann NM-gull!
Alle dei fire utøvarane frå Os Karateklubb kjem heim frå Trondheim med medalje.
I dag blei årets noregsmeisterskap i karate arrangert i Trondheim.
Os Karateklubb stilte med fire utøvarar og alle tok medalje!
Vann tungvektsklassen
Henrik Reed-Larsen, som tidlegare har vunne både junior-NM, tatt sølv i stilart-VM og vore med på å vinna nordisk meisterskap i lagkamp, tok i dag sitt første NM-gull som senior.
– Henrik var vekke eit år, men trente mykje styrke, og har lagt på seg rundt 10 kilo. I tungvektklassen slo han kraftig frå seg, fortel trenar Cato Bruarøy.
I første kamp slo han ut regjerande noregsmeister. Også dei neste rundane blei jamne, men i finalen var osingen suveren og vann 6-1.
Tok gull som førsteårs senior
Amanda Njøten, som fylte 18 år i haust, deltok i NM som senior for første gong.
– I finalen møtte ho ei jente ho har tapt for fleire gongar før, men i dag gjekk Amanda veldig bra og den tøffe finalen enda med siger, fortel Bruarøy.
Sølv og bronse i aldersbestemt
Også Armin Palislamovic og Ida Lund Bakke gjorde god figur i NM.
Ida debuterte og fekk bronse i sin klasse, tittelforsvarar for andre år på rad, Armin tok seg til finale i år òg.
Finalen enda 0-0, men dommaravstemming førte til 2-3-tap og sølv til osingen.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.