Amper stemning

Patrulja ved Os lensmannskontor fekk klokka 0334 melding om amper stemning på Essoen.

– Dei var på plass etter eit par minutt og observerte litt knuffing då dei ankom.

– Det var mykje folk og lang kø med tildels amper stemning i utsalet der, så patrulja valde å bli på staden til alle hadde fått sitt og reist vidare.

– Stemninga blei rolegare med våre folk til stades, fortel vakthavande betjent ved Os lensmannskontor.

Roleg i hamna

Om det var ampert framfor Essoen, så var det desto rolegare på andre sida.

– Politibåten la turen til Os i går i samband med festivalen.

– Dei rapporterer om lite båter til kai og rolege tilhøve.

Kasta stein

Klokka oo20 fekk politiet melding frå ein bilist i retning Halhjem ferjekai at nokre jenter hadde kasta stein på bilen hans.

– Vi fekk ikkje fleire meldingar, men patrulja tok ein tur ut der.

– Dei traff fleire ungdommar som dei noterte personalia på og tok ein prat med.

Patrulja måtte tidlegare på vegen vise vekk ein utenlandsk mann som gjekk og plukka i EL-bosset ved Amfi.

– Han fekk beskjed om at det hadde han ikkje lov til og blei satt i marsj.