Andersson til Os

Torsdag er neste konsert i serien "Musikk i kyrkja", og denne gong kjem den svenske akkordeonvirtuosen Johan Andersson for å spela konsert.

Kjetil Vasby Bruarøymandag 28. sep. 2009 07:34

I konsertserien "Musikk i kyrkja" blir det torsdag 1. oktober konsert med den svenske
akkordeonvirtuosen Johan Andersson i Os kyrkje.

Andersson har vunne ei rekkje prisar og har turnert i fleire land, både som soloartist og som solist med symfoniorkester. Han har mellom anna turnert med Östersunds orkesterförening, Pan Asia symfoniorkester i Hong Kong, Stillehavets symfoniorkester i Vladivostok, Ukraina och Moldova, skriv Aasmund Brekke frå Os kyrkjelyd i ei pressemelding.

Akkordeon er ei vidareutvikling av trekkspelet, eit instrument som gjer det mogleg å spela melodiar både med venstre og høgre hand. På eit akkordeon kan ein spela klassisk musikk som for eksempel Toccata og fuge i d-moll av J.S. Bach.

Johan Andersson har gjesta Os ein gong tidlegare, då som del av ein duo. No kjem han attende som solist i eit iøyrefallande program med transkripsjonar av klassiske perler, mellom anna utdrag frå
“Årstidene” av Vivaldi.

Arrangementet blir støtta av Folkeakademiet Os og Grieg Foundation.