Lokal | 24. aug. 2011

AP og eigedomsskatt

LESARINNLEGG, Terje Søviknes (Frp): Kva meinar Os AP eigentleg om eigedomsskatt? Er dei for eller imot?

AP og eigedomsskatt
Kjetil Vasby Bruarøy
Kjetil Vasby Bruarøyonsdag 24. aug. 2011 05:46

>> Midtsiden samleside; les alle lesarinnlegga her

I heile vår, og ikkje minst no i valkampen, har Ap og ordførarkandidat Lars Atle Skorpen fremja ei rekkje svulstige lovnader om betre tenestetilbod i Os berre Os AP kjem i posisjon etter kommunevalet.

Den eine lovnaden har overgått den andre både i innhald og kostnad. Det er ikkje måte på kor bra alt skal bli berre AP kjem i posisjon. Millionane har rulla, og summerer seg garantert til fleire 10-tals millionar i årlege ekstrakostnader for kommunen.

Utfordringa er at AP og Skorpen ikkje har sagt eit einaste ord om korleis alt skal finansierast.

Heller ikkje i valprogrammet for 2011-15 sier Os AP noko om finansiering. Kommuneøkonomien er tydelegvis eit ikkje-tema, og eit sentralt spørsmål som eigedomsskatt er ikkje omtala i det heile.

Kva meinar Os AP eigentleg om eigedomsskatt? Er dei for eller imot? Dette meiner vi veljarane i Os har krav på å få veta i god tid før valdagen 12.september.

Er det osingane sjølv som skal finansiera AP og Skorpen sine valløfter gjennom ein usosial ekstraskatt på 10-, 15- eller 20-tusen kroner pr år? I så fall bør AP væra ærlege, og stå for det.

Og om ein ikkje går inn for eigedomsskatt, - korleis skal då AP finansiera alle løfta?

AP har i så fall den same pengesekken til rådvelde som alle oss andre.

Fremskrittspartiet er garantisten mot eigedomsskatt i Os.

Vi har gjennom 12 år styrt Os saman med Høgre utan denne ekstraskatten. Det skal vi klara i fortsettinga òg. FrP har alltid vore opptatt av å halda ord. Vi har vore nøkterne, satsa på eit fåtal hovudsaker i kvart val, og gjennomført desse. For kommande periode løftar vi fram skule og eldreomsorg som våre hovuddsaker. Det skal investerast i nye skular og sjukeheimsplassar, og tenestetilbodet i Os skal gradvis utviklast vidare i tråd med folkeveksten. Men vi lovar ikkje meir en vi kan halda, - og det utan innføring av eigedomsskatt.

Korleis er det med AP? Vi ventar på tydelege svar Skorpen!

Terje Søviknes (FrP)
Ordførar

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.