Arealet finst

Då ordførar Terje Søviknes orienterte om avklaringane kommunen hadde hatt med fylkesmann Lars Sponheim omkring utbygginga på Bjåneshalvøya var det første han trakk fram at planane om golfbane er skrinlagt.

I Os finnst det allereie to golfbane. BJørnefjorden Golfklubb som held til på Hauge med si 9-holsbane og Vildmarken Golfklubb som held til i Øvredalen med si 9-holsbane.

- Her inne blei det allereie då vi starta på arbeidet for 12 år sidan regulert eit område for ei 18-hols bane, fortel leiar Arvid Myrmell i Vildmarken.

Planane klare

Klubben har frå starten, med ein enkel rotorklyppar, utvida både bana til å bli ei 9-holsbane og maskinparken for å halda ho i stand.

- Vi har allereie førebudd tre nye hol, men har ikkje økonomi til å bygge dei ut no, forklarar Myrmell.

Han ser ikkje for seg ei utviding av bana dei første åra.

Parkering og toaletter

I løpet av dei par siste åra har klubben også satt opp ei starthytte og opparbeida, i samarbeid med kommunen, parkering for omlag 40 bilar for golfarar og turgåarar.

-Hytta har både kjøken og toalett og er ope på dagtid kvar helg og på kveldane i sesongen.

- Desse fasilitetane er alle hjarteleg velkomen til å nytta, avsluttar Myrmell.