Lokal | 30. okt. 2018

Årets store utstilling i Vognhallen opnar med vernissage på laurdag

Biletkunstnar Trygve Amundsen (65) stiller ut over heile verda, men no gler han seg til å stilla ut i Os.

Årets store utstilling i Vognhallen opnar med vernissage på laurdag
«Across Borders» er eit av Trygve Amundsen sine verk du frå laurdag kan sjå i Vognhallen. (Pressefoto)
Kjetil Osablod Grønvigh
Kjetil Osablod Grønvightirsdag 30. okt. 2018 13:25

Bildeserie:

Trygve Amundsen (Pressefoto)
Trygve Amundsen (Pressefoto)
«Water Power». Acryl på lerret. (Pressefoto)
«Water Power». Acryl på lerret. (Pressefoto)
1 av 2
Trygve Amundsen (Pressefoto)
«Water Power». Acryl på lerret. (Pressefoto)

Etter eit langt arbeidsliv, mellom anna som illustratør og grafisk designer, valde Trygve Amundsen å førtidspensjonera seg, for å satsa for fullt på kunst.

Det ser ut til å ha løna seg.

Amundsen seier han er glad i det abstrakte uttrykket, då dette er krevjande å skapa, men samstundes har det lenger «levetid» på veggen.

– Abstrakt kunst henvend seg til relasjonane i folk, og den enkelte får sitt eige forhold til kunsten fordi kvar enkelt opplev kunsten ulikt.

Slo gjennom via Facebook

Til dagleg held Amundsen til i atelier i Osvegen, nære Nesttun, men det har vorte mykje reising i det siste.

Amundsen seier sjølv at han har vore heldig;

– Facebook gav meg moglegheita til å eksponera meg over heile verda.

Brått vart det utstillingar i Sverige, Nederland, Frankrike Italia og USA. Samstundes har han òg stilt ut her heime i Noreg, mellom anna i Bergen, Oslo og Nordfjordeid.

Siste store hending før han no skal stilla ut på Os, vart løyst ut via agenten til Amundsen.

Agenten, ein amerikanar opprinneleg frå Taiwan, drog Amundsen med seg på tur til heimlandet. Der vart det fellesutstilling med andre kunstnarar som hadde same agenten, og til slutt landa Amundsen ei fast avtale med eit galleri i Taiwan.

Gler seg til å bruka tid på Os

Amundsen har kone frå Fusa, og er han er raus med komplimenta om Os.

– Eg gler meg veldig til å ha denne utstillinga. Eg har fleire gode vener i Os, og trivst godt her.

– Spesielt vil eg trekkja fram Georg Jørgensen, Randi Hjertaas og Arne Mæland frå Os kulturutvikling. Dei syner stor glød og kreativitet, og eg tykkjer Vognhallen er eit fantastisk bygg for utstillingar, med si opne fasade og utsikt mot fjorden.

Trygve Amundsen er juryert medlem av Norsk Forening for Uavhengige Kunstnere.

Utstillinga til Trygve Amundsen er å sjå i Vognhallen i perioda 3. til 18. november.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.