Sport | 09. juni 2009

Årsbeste av Søre Neset

Tidlegare juniorspelar for Os, Anders Kinden, var banens beste for Søre Neset mot Nest-Sotra 2.

Årsbeste av Søre Neset
Kjetil Vasby Bruarøy
Kjetil Vasby Bruarøytirsdag 09. juni 2009 12:34

Etter 1-2-tap på heimebane for Skjergard i førre runde leverte Søre Neset årsbeste på bortebane sundag. Nest Sotra 2 blei slått 3-8, av eit Søre Neset med godt radarpar på topp.

- Niklas Linde var heime frå militæret, skåra to mål og var super på topp saman med Anders, seier trenar Bjarte Arentzen.

Trenaren meiner Kinden var banens beste, med éi skåring og to målgjevande.

Triks frå Torbjørn
Søre Neset leia 4-1 til pause. 2-0-skåringa kom på eit frispark med spesiell vri.

- For nokre veker sidan diskuterte vi reglane. Om dommaren ikkje løftar fløyta til munnen, så er det berre til å skyta når det passar. Det gjorde Torbjørn Hjelle, medan dommaren plasserte muren og keeperen ikkje var vaken, fortel Bjarte og ler.

Andreas Pettersen, Kjetil Henriksen, Lars Martin Høyvik og Kenneth Hufthammer skåra dei andre fire måla i kampen.

Neste Søre Neset-kamp er på heimebane mot Fjell førstkomande fredag kl 18.30.

SJÅ TABELL

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.