Delar av Øvre Varåsen skal få ny asfalt, strekninga er merka med raudt (ill: Os kommune)
Asfalterer Øvre Varåsen
Kommunen nyttar tida medan folk er på ferie til å få asfaltert ei rekkje kommunale vegar. Denne veka har Granlia, St. hanshaugvegen og Ole Bullsveg fått ny asfalt. I neste veke står Øvre Varåsen for tur.
– Øvre Varåsen blir stengt frå krysset til Idrettsvegen til Øvre Varåsen 11A. Vegen blir stengd måndag 9. juli frå klokka 07 til klokka 15.
– Køyr ut bilar dagen før. Ikkje parker i eller ved vegen der det skal asfalterast, heiter det i meldinga frå kommunen, kor dei oppmodar folk til å følgje skilitinga på staden.
– Det vil vera omkøyringsmoglegheit via Industrivegen, bommen i Øvre Varåsen vil vera open medan arbeidet pågår, fortsett dei i meldinga.
Om det blir dårleg vêr eller andre uventa vanskar, kan arbeidet bli forseinka.