Åtte gull og fire sølv til osingar
Heile åtte gull og fire sølv plukka osingar med seg i helgas kretsmeisterskap i friidrett.
Friidrettstalentet Målfrid Pettersen Lunde (17), som no tevlar for Fana IL, plukka med seg heile fem gull og eit sølv i helgas stor-KM i friidrett på Fana stadion.
Det blei gull på tresteg (10,86 m), 300 m hekk (47,75 sek), kule (8,04 m), 400 m (1.03.57) og i høgde (1,46 m) på os-jenta. I spyd fekk ho sølv med eit kast på 21 meter.
Satte ny personleg rekord
Kappgjengar Joakim Sælen, som tevlar for Viking TIF, hadde små problem med å ta heim gullet på 5000 meter kappgang. Nore Nesingen knuste nærmaste konkurrent med over ti minutt og gjekk inn til ny personleg rekord og meisterskapsrekord på tida 20.23.64.
Sælen har med det satt ny personleg rekord med 38 sekund i løpet av dei tre siste vekene.
Gull til Mons Martin og Sondre
Også dei to utøvarane frå Os Turn, Mons Martin Borgen og Sondre Herrevold plukka med seg det edlaste metallet frå Fana Stadion.
I høgde hoppa Mons Martin Borgen 1,90 m i klassa for senior menn, medan Sondre Herrevold tok sin siger i spyd for guttar 16 då han kasta spyden 46,53 meter, nesten dobbelt så langt som neste mann.
Tre sølv
Friidrettsgruppa til Os Turn har fått eit oppsving dei siste åra og under stor-KM var det fleire av dei som gjorde det skarpt. Tre av utøvarane tok med seg sølv i løpet av helga.
På 200 meter, J14 løp Sofie Olsvold Hausberg inn på tida 30,10, Håkon Herrevold tok sølvet på 60 meter for G14 med tida 8,03, medan Andreas Mowinchel-Nilsen tok sitt sølv på 100 meter for g16 med tida 11,92.
Andre resultat
G14, høgde - 3. plass - Gabriel Michelsen, Os Turn, 1,54 m
G14, lengde - 5. plass - Håkon Herrevold, Os Turn, 5,10 m
J12, lengde - 8. plass - Helene Cecilie Furebotn, Os Turn, 3,29 m
J14, lengde - 3. plass - Kristine Malene Furebotn, Os Turn, 4,55 m
J14, lengde - 6. plass - Sofie Olsvold Hausberg, Os Turn, 4,10 m
200 m, senior herrer - 3. plass - Mons Martin Borgen, Os Turn, 23,44 sek
G14, 60 m - 8. plass - Gabriel Michelsen, Os Turn, 8,74 sek
J12, 60 m - 9. plass - Helene Cecilie Furebotn, Os Turn, 10,62 sek
J14, 60 m - 3. plass - Kristine Malene Furebotn, Os Turn, 9,16 sek
J14, tresteg - 4. plass - Kristine Malene Furebotn, Os Turn, 9,87 m
J14, tresteg - 5. plass - Sofie Olsvold Hausberg, Os Turn, 9,09 m
100 m, menn senior - 4. plass - Mons Martin Borgen, Os Turn, 11,91 sek