Åtvarar mot seljarar

I midten av februar åtvara politiet mot "stumme" polakkar som kom på døra til folk for å tigga. No har politiet igjen blitt kontakta av folk som har fått polakkar på dørene.

Les òg:
Fann spor rundt hus

- Vi har førebels berre fått melding frå éin person, men vi veit at dei ofte opererer i grupper. Derfor er sjansen stor for at dei dukkar opp fleire plassar i Os dei neste dagane, seier Kjartan Snorrason.

Politiet har tidlegare mistenkt seljarane for å vera på observasjonsrunde for seinare å gjera innbrot. Det er blant anna observert seljarar som, dersom ingen opnar døra, tar seg ein runde rundt huset for å sjå.

- Vi er interessert i tips om nokon får besøk av desse utanlandske seljarane, seier Snorrason.

Politiet treff du på 480 02 480.