Åtvarar mot stor brannfare

Osingane har vore prisa eit fantastisk vêr den siste tida, med temperaturar opp mot 30-talet. Men med det gode og tørre vèret følgjer ei stor fare.

På skogbrannindeksen på yr.no har Bergen per 31. mai 56 på indeksen, som er kategorien stor brannfare.

Indeksen går fra 0 til over 70, der 40-70 er stor fare, og over 70 er meget stor fare.

Kasta frå seg grillkol

Både på Sotra og i Sveio har det vore gras- og lyngbrannar dei siste dagane, men også i Os kunne det gått gale i helga.

-Vi fekk melding i 20-tida på søndag om ein brann i Kuhnlevegen, fortel Stein Gjøsund, brannsjef i Os.

-Det var nokon som hadde kasta frå seg grillkol som dei trudde var slukka, men som blussa opp og tok full fyr.

Då brannvesenet kom til staden hadde meldar fått slokka brannen med ein vannslange. Brannvesenet sjekka området med kamera og dreiv etterslokking.

Full fyr i potte

Eit anna tilfelle hende natt til søndag på sjukeheimen.

-Vi fekk melding om røyk i gangane på sjukeheimen, men ingen visste kor han kom ifrå, seier Gjøsund.

Etter ein del undersøkjing fann brannvesenet til slutt ei glødande blomsterpotte ute på ein terrasse.

-Det var ein person som hadde stompa ein sigarett i potta, og sidan jorda var uttørra hadde det tatt fyr.

Sjukeheimen har no gjort tiltak for å hindra at dette skjer igjen.

Mange tørre områder

Brannvesenet har ikkje ekstra bemanning på vakt sjølv om brannfaren er stor.

-Vi har 6 brannmenn på vakt heile tida, og ytterleg 18 i beredskap, fortel Gjøsund.

-I tillegg er Sivilforsvaret og Røde Kors i backup og direktoratet har helikopterberedskap.

-Det er eit problem at det er så mange tørre områder. Utfordringa er korleis vi skal prioritera om det blussar opp brann fleire stadar samstundes.

Varsle tidlig!

Brannsjefen kjem med nokre rettningslinjer om kva ein skal gjere om ein er så uheldig å starte ein brann i skogen.

-Då må ein varsle brannvesenet tidlig og komme seg i tryggleik. Det er viktig å sjå kva vei brannen går, og sjølv gå i motsatt retning.

-Og så er det viktig å få med at jo brattare skråningen er, jo fortare kjem brannen mot deg om du står på oppsida.

Oppfordring frå brannsjefen

Brannsjefen har også nokre oppfordringar til alle som oppheld seg i skog og mark.

• Ikkje gjer opp ild i skog og mark
• Om ein grillar ved sjøen, pass på å slokke grillen skikkelig.
• Ta med deg eingongsgrillen heim

Brannsjefen kjem til slutt med eit lite hjartesukk til alle hytte- og huseigarar som let krattskog veksa heilt inntil husveggen.

-Oppfordringa er at ein fjerner vegetasjonen nærast hytta eller huset. Då er det større sjanse for at hytta eller huset ikkje vert råka av ein eventuell skogbrann.