Aurora avlyser konsertar

Søndag skulle Aurora Aksnes ha spelt i Bergen, men konserten som var ein ekstrakonsert etter at den ordinære konsert raskt blei utseld blei avlyst då Aurora fekk akutt omgangssjuke.

Sangfuglen frå Lysefjorden blei innlagt på Haukeland for behandling.

I dag kom ei pressemelding frå managementet hennar som fortel at ho framleis er innlagt på Haukeland og at dei diverre ser seg nøydd til å avlysa alle konsertane denne veka.

– Eg tykkjer det er utruleg leit å måtte avlysa, og håoer vi får satt opp nye konsertar. Det gleder eg meg masse til. Nesten som til julaften, seier Aurora i pressemeldinga.

Aurora skulle etter planen ha vore på ein Noregsturné denne veka. Laurdag spelte ho som planlagt på Hamar, deretter sto Bergen, Drammen, Stavanger og Trondheim for tur.

Etter planen skal ho vera tilbake på scenen i god tid før Fredsspillkonserten i Oslo i 11. desember. Konserten i Oslo 21. november og Kristiansand 5. desember er ikkje avlyst.

Er spelt over 11 millionar ganger

Fredag i førre veke slapp varehuset John Lewis i England si ikoniserte julereklame «Man on the moon» kor Aurora syng Oasis-låta «Half the world away».

Den vare tolkinga frå Lysefjorden-artisten har i løpet av dei første dagane blitt spelt over 11 millionar gonger på youtube. I tillegg har reklamen høg rotasjon på TV-kanalane i England, noko som kan gje 19-åringen det store gjennombrotet i England.