Aurora i vinden

Framfor kulturminister, kringkastingssjef og medietoppar frå heile norden blei det kortreist underhaldning då dei nordiske mediedagane opna i Bergen onsdag. På scena sto nemleg stjerneskotet Aurora Aksnes.

– Det blei ei stilig og stille opning av mediedagane.

– Aurora hadde meg seg berre ein gitarist på scena og spelte to låtar akustisk, mellomanna Running with the wolves, fortel Kristian Bruarøy, osingen som er leiar i programkomiteen for mediedagane. Dei Nordiske mediedagane er nordens største konferanse for medieverksemder.

Heilt stille

Bruarøy fortel om lovord og enorm respons på Aurora sin opptreden.

– Det var heilt stille i salen då ho sang, men så fort ho var ferdig braka det laus med stormande applaus.

– Eg har berre høyrt lovord om ho etterpå, fortel ein litt hektisk Bruarøy.

Snowden på link frå Moskva

Bruarøy har nemleg ansvaret for at programmet med meir enn 40 forskjellige sesjonar og 1600 deltakarar blir losa vel i hamn.

– No har vi nettopp avslutta ein sesjon kor vi har vist korleis ein kan bruka droner i TV-produksjon.

– Eg synes vi har klart å sy sammen eit spennande program med stjerner frå mediebransjen i inn og utland som foredragshaldarar og bidragsytarar.

– Det heile blir nok toppa når vi får med oss verdas mest kjende varslar, Edward Snowden på direkte-link frå hans sitt ufrivillige eksil i Moskva i morgon ettermiddag, seier Bruarøy.

Dei nordiske mediedagane blir avslutta med Gullruten laurdag. Der kjem ikkje Aurora Aksnes, men ho kan då få med deg om du skrur på Senkveld med Thomas og Harald på TV2 fredag. Aurora er nemleg gjest hjå dei to populære karane, og skal sjølvsagt opptre i programmet.