Avgjorde med 2 sekund att
Høgdramatisk då handballdamene til Os spelte sin siste heimekamp for sesongen. – Det blei ein deilig sistekamp i Oshallen, seier Torbjørn Bøthun.
Os tok imot Årstad til sesongens siste heimekamp i 2. divisjon. Osdamene leia 22-16 før det stokka seg og Årstad tok dei att. Berre to sekund før full tid satte Silje Martine Årseth inn det avgjerande målet og kunne juble for 29-28 siger.
– Det var ein deilig siger og ein deilig sistekamp for meg og Erlend på heimebane, fortel trenar Torbjørn Bøthun.
Leia med 6
Os starta i sitt etterkvart vante 3-2-1 forsvar, men fekk det ikkje heilt til å sitta.
– Omlag 10 minutt før pause la vi om til 6-0. Det hjalp, konkluderar Bøthun.
Os gjekk til pause tre mål foran Årstad 15-12.
– Vi startar andre omgangen bra og leier 22-16, men då byrjar det å stokke seg.
– Vi avsluttar angrepa tidleg på dårlege sjanser og lar Årstad komma innatt i kampen.
– I tillegg blir vi nok litt sliten med berre to innbyttarar. Årstad hadde meir å bytta med.
– Mot slutten av kampen har både laga matchballar, difor var det så deilig då Silje Martine satte inn det avgjerande målet, smilar Bøthun, som legg til at også keeper Vibeke Ingebrigtsen hadde fleire matchredningar på slutten.
Os - Årstad 29-28 (15-12)
Utv: Os 2x2 min, Årstad ingen
Os sitt lag: Irene Tangerås 11, Silje Martine Årseth 3, Emilie Hjertnes Halhjem 4, Maria Stangeland Lunde 4, Line Hjelle Berentsen 6, Vibeke Ingebrigtsen, Silja Lunde Espelid, Elise Hjelle, Malin Lunde Fosen 1, Marte Øvreeide.