Lokal | 22. juni 2012

Avslutta med eit smell!

VIDEO: Torsdag hadde elevane ved Os skule sommaravslutning. Dei eldste borna, som no skal vidare på ungdomskulen, sto for ei variert og imponerande underhaldning.

Kari M. Lyssandfredag 22. juni 2012 15:45

Det var mange spente born som kom til Os barneskule siste skuledag før sommarferien.

Ekstra spent var nok sjuandeklassingane, som no hadde sin siste dag på barnetrinnet.

Og gjengen som no skal gå frå å vera eldst på barneskulen til yngst på ungdomskulen gjekk ut med eit smell.

SJÅ VIDEO NEDST I ARTIKKELEN

Alle er med

- Det er eit unikt kull med mange flinke elevar, og dei som er ekstra frampå er veldig dyktig til å få resten med, fortel Grethe Jørgensen, kontaktlærar for ein av dei tre sjuandeklassane.

- Elevane har øvd intenst dei siste tre vekene, og songane har dei hatt i lekse ei stund.

- Alle har hjelpt til og vi har vore avhengige av at alle er med for å få i stand denne flotte framsyninga, seier Jørgensen, tydeleg stolt over "borna sine".

-Ein sjelden gjeng

Med god hjelp frå Anne Leni Søfteland Sæbø og Terje Neset hadde dei 54 elevane frå sjuandetrinnet laga ei flott framsyning for resten av skulen, lærarar og familie som kom for å sjå.

Det var ikkje måte på kva dei talentfulle borna hadde på programmet. Vi fekk mellom anna eit morosamt innblikk i ei gjenforening 20 år fram i tid, ein utruleg morosom sketsj som elevane hadde laga heilt sjølv.

- Det er ein sjeldan gjeng med ekstremt mykje og variert talent, fortel rektor ved Os barneskule Beate Moberg. Og det merkast.

Høgdepunkta var mange, og eit av dei var song av vinnaren av Os skule talenter, Selma Fosså Bunæs, som framførte ein nydeleg versjon av Adele sin store hit "Someone like you".

– Talentkonkurransen hadde mange fine bidrag, der ein jury med meg og fire jenter frå elevrådet fekk den vanskelege jobben med å ta ut to finalistar frå kvart klassetrinn, fortel lærar Stian Lunde.

– Audition var éin og éin i midttimen, finalen var framfor alle medelevane. Sidan det var så mange gode bidrag fekk alle visa seg 20 sekund kvar i finalen, før dei 8 finalistane overtok scenen, seier Lunde.

Salto og klovneri

Programmet sjuandeklassingane hadde sett saman var imponerande variert med gode idear og god gjennomføring.

Konferansierane Adrian Fimreite og Sofie Hagevik gav framsyninga gode glidande overgangar mellom innslaga.

Klassekoret hadde fleire songar på programmet, og vi fekk sjå lysbilde av flotte teikningar laga av nokre av elevane.

Mot slutten heldt nokre av elevane eit forrykande trampettshow med saltoar og triks.

Ein eigen trampett-klovn med ablegøyer hadde dei òg fått med.

Fleier enn nokon gong

Når dette kullet no går vidare i ungdomstida er det venta 56 nye førsteklassingar til høsten.

-I dag var vi 368 elevar på skulen, men til høsten passerer vi 370 elevar og det blir fleier elevar enn nokon sinne her på Os barneskule, fortel Moberg.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.