Sport | 10. okt. 2009

Baksmell mot Bjørnar

Etter tre strake sigrar gjekk Os i dag på 18-målstap for eit toppa Bjørnar 2.

Baksmell mot Bjørnar
Kjetil Vasby Bruarøy
Kjetil Vasby Bruarøylørdag 10. okt. 2009 18:43

Handballdamene til Os starta sesongen bra, med siger i alle dei tre første kampane. Desse var på bortebane, det var også laurdagens kamp, mot eit styrka Bjørnar 2.

- Bjørnar sitt andrelag består blant anna av ein del tidlegare eliteseriespelarar. I dag hadde dei dessutan med seg nyerverva keeper til A-laget, som sidan ho ikkje har spelt for førstelaget enno, var klar for spel i 2. divisjon, fortel Kenneth Husebø.

Os-trenaren trur laget hans hadde leia til pause om ikkje det var for den gode eks. Fyllingen-målvakta.

- Ho redda skot som elles plar hamna i nota i divisjonen vår, seier Kenneth, som elles er nøgd med Os-spelarane sin innsats i første omgang.

Os låg under 11-6 til pause. Kampen enda med 32-14-tap.

- I andre omgang prøvde vi å halda fram med like god struktur. Dette lukkast vi ikkje med, og etter 5-6 dårlege minutt blei det ein del frustrasjon og leiinga til heimelaget blei umogleg å ta igjen.

- De har eit samarbeid med Bjørnar på aldersbestemt nivå. Korleis var det å møta eit så sterkt andrelag frå samarbeidsklubben?

- Andrelaga er generelt vanskelege å ha i avdelinga, som for to år sidan, då tap for andrelag hindra oss i opprykk. Dagens Bjørnar 2 var nok det sterkaste dei kjem til å stilla med denne sesongen, så det var litt trist, seier Husebø.

Nøgd er han likevel med å sitja igjen med tre sigrar av fire moglege etter å ha starta sesongen med fire bortekampar. Sundag 18. oktober er årets første heimekamp, mot Fana kl 13.30.

- Det skal bli godt å spela i Oshallen igjen, seier Kenneth.

Dagens målskårarar: Hilde Kristine Røttingen (5), Madeleine Hjertnes (3), Ingvill Hefte (2) Elise Hjelle (2, 1 av dei på straffe), Mona Stigen (1) og Maria Stangeland (1).

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.