Sport | 22. des. 2014

Balland tilbake som dametrenar

– Vi er kjempeglad. Rune er dyktig og utruleg snill, seier Os-spelar Malin Moldskred.

Balland tilbake som dametrenar
Rune Balland er tilbake som trenar for Os sitt damelag, her etter første økt med damelaget onsdag i førre veke. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøymandag 22. des. 2014 09:33

Bildeserie:

– Mange var vekkreist eller sjuk, men vi var likevel 17-18 på trening, fortel Balland. (Foto: Kjetil Vasby Bruarøy)
– Mange var vekkreist eller sjuk, men vi var likevel 17-18 på trening, fortel Balland. (Foto: Kjetil Vasby Bruarøy)
– Rune er dyktig, roleg og veldig snill, fortel Malin, nøgd med å få Balland tilbake som trenar. (Arkivfoto: Kjetil Vasby Bruarøy)
– Rune er dyktig, roleg og veldig snill, fortel Malin, nøgd med å få Balland tilbake som trenar. (Arkivfoto: Kjetil Vasby Bruarøy)
1 av 2
– Mange var vekkreist eller sjuk, men vi var likevel 17-18 på trening, fortel Balland. (Foto: Kjetil Vasby Bruarøy)
– Rune er dyktig, roleg og veldig snill, fortel Malin, nøgd med å få Balland tilbake som trenar. (Arkivfoto: Kjetil Vasby Bruarøy)

Damelaget til Os, som i fjor var nær opprykk og i år missa til sommaren, men vann alt i haust, har i 2014 vore utan hovudtrenar.

– Det ordna seg på eit vis. Tore Nøss heldt laget i gang som oppmann og vi hadde eit godt samarbeid med trening saman med J16.

Også tidlegare trenar Cato Moldskred stilte opp på trening og i nokre kampar.

– Rune var med å leia oss i ein del andre kampar, men det blir noko heilt anna å få ein fast hovudtrenar som både har oss i trening og leiar oss i alle kampane, seier Malin Moldskred.

– Han er dessutan veldig dyktig, han kjenner oss godt og han er veldig snill, legg ho til.

11 år på Kuventræ

Rune Balland har vore trenar på Kuventræ sidan han saman med Kåre Perry Solibakke frå 2004 trente 92-jentene.

Han har seinare trent både junior og gutelag og i inneverande sesong var han med førstelaget til juniorane i senior 5. divisjon (Os 2).

– Det passar meg i grunnen betre å trena damelaget, 2-3 økter i veka pluss kamp er lettare å få tid til, seier Balland, som tidlegare har trent damene saman med Cato Moldskred.

Nye spelarar og nytt samarbeid

Onsdag hadde han si første trening som hovudtrenar for damelaget.

– Det er ei fin stamme med fleire nye unge frå 98-årgangen. Vi var 17-18 spelarar på trening, og då var det fleire som var vekkreist eller sjuke, så vi blir nok ei stor og god stamme frå 5. januar.

– Med nytt samarbeid med Nore Neset har vi dessutan tilgang på endå fleire spelarar, blant dei som passar til å spela senior og har ønskje om ekstra matching.

Les òg: Nysatsing på dame- og jentefotball

Det er både juniorlag og to jentelag med til saman over 50 spelarar under samarbeidsparaplyen Os/Nore Neset.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.