Kultur | 01. apr. 2022

Grand Kiev Ballett: Skulle heim frå turné då krigen braut ut

Då dei ikkje kunne reisa heim, heldt turneen fram - for å halda seg i arbeid.

Grand Kiev Ballett: Skulle heim frå turné då krigen braut ut
Kjetil Vasby Bruarøy
Kjetil Vasby Bruarøyfredag 01. apr. 2022 06:15

Då krigen braut ut vart Kiev Grand Ballett med sitt ensemble stranda i Europa, utan moglegheit til å reise heim til Ukraina.

Dei var også ferdige med turneen sin, og hadde dermed ikkje lenger inntektsbringande arbeid å gå til.

På bakgrunn av dette, vart «Solidarity Tour» til, eit sett av framsyningar av Svanejsøen på fleire kulturscenar i Noreg.

Kiev Grand Balletten frå Ukraina presenterer Svanesjøen i Oseana 30. april.

Framsyninga på Oseana blir halde som ein del av Solidarity Tour for å støtta Grand Kiev Ballet, med deltaking av leiande artistar frå den ukrainske balletten.

– Det var ikkje tvil om at vi ville prøve å få dette til då spørsmålet kom, seier arrangementsjef Berit Steen.

– Vi har stilt sal og mannskap til disposisjon, og er glade for å ha fått moglegheit til å hjelpe i denne fortvila situasjonen.

Inntektene frå framsyniinga går til ballettdansarane frå Kiev, samt at Oseana dedikerer delar av si inntekt til Røde Kors og deira naudhjelp til Ukraina.

Steen har også ei oppmoding til både bygdefolk og særleg næringslivet i Os:

– Vi har alle følgd med på situasjonen i Ukraina, og mange vil gjerne hjelpa. Dette er ein fantastisk sjanse til å gjera nett det. Det er fantastisk dyktige dansarar i denne balletten, så her får ein både ei flott kulturell oppleving, samstundes som at du veit at du hjelper både dei som står på scenen, deira familiar og også generell støtte til det krigsramma landet.

Arrangør er: Grand Kiev Ballett og forening Kultur for Folket.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.