Sport | 10. mars 2018

Banka Kramer

Sverre Lunde Pedersen trassa regnet og slo Sven Kramer på 5000 meter.

Banka Kramer
Sverre Lunde Pedersen ligg godt an etter første dag i Amsterdam (foto: Douwe Bijlsma)
Andris Hamrelørdag 10. mars 2018 20:04

Sverre Lunde Pedersen har fått ein god start på allround-VM utandørs i Amsterdam.

Seint laurdag kveld klinka han til på 5000 meteren og slo ni gangar verdsmeister Sven Kramer. Det tok Sverre til eit godt utgangspunkt før søndagens 1500 og 10.000 meter.

– Sverre er i sin livs form. Nå er vi der. Vi er i posisjon, men det er to løp igjen, oppsummerte NRK sin ekspertkommentator Even Wetten.

Sverre ligg som nummer to i sammendraget, bak Patrick Roest, men framfor Sven Kramer.

28.000 tilskodarar

VM går i år utandørs på ein fantastisk stadion i Amsterdam med 28.000 tilskodarar i regnvêret. Det blei stille då Sverre gjekk, med unntak av "norskesvingen".

– Det gjeld å finna rytmen og flyten. Stivnar du, så tek isen deg, sa Sverre til NRK etter 500 meteren kor han slo Kramer med eitt hundredel.

Tøffare forhold

Sverre Lunde Pedersen fekk tøffe forhold på 5000 meteren med jamnt Bergensregn. Konkurrenten Kramer var heldigare og fekk oppholdsvêr.

– Det regnar betydeleg meir enn då Kramer gjekk, men det er mindre vind, analyserte Wetten før han kommenterte delar av løpet slik:

– Akkurat no ser han ut som ein million dollar. Han flyter på isen.

Sverre kom sakte i gang og låg bak Kramer, men spiste seg sakte men sikkert innpå runde for runde. Der Kramer sprakk på slutten klinka Sverre til og slo til slutt Kramer med 0,34 sekund.

– Dette har vi venta på i evig tid. Det er fantastisk, konkluderte Wetten.

Skulle slå Kramer

Landslagstrenar Sondre Skarsli var full i skryt av Lunde Pedersen etter løpet.

– Han er tøff og justerte seg undervegs i løpet. Vi snakka om det før løpet og var einige om at i dag skulle han slå Kramer. I sekunderinga var eg oppteken av teknikk og ikkje korleis han låg an i høve Kramer og det funka. I dag gjorde han det utruleg bra, kommenterte Skarsli til NRK.

Søndag er det 1500 meter og 10.000 meter.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.