Ber om tips etter snoking rundt hus og garasjar

– Det ser ut som om nokon driv og sniker rundt bustadar og garasjar for tida, fortel politioverbetjent Rune Fimreite.

I løpet av to døgn har det kome inn melding både frå Nore Neset og Os sentrum.

– Vi kjenner til eitt tilfelle på Nore Neset og eitt i Os sentrum.

Politiet oppmodar folk om å låsa garasjar og uthus, og å ta inn verdigjenstandar.

– Vi er òg interessert i tips og skildring av den eller dei det gjeld.