Ber spøkelsa nytta refleks

I jakten på gotteri og i iveren etter å skremma naboar og vener er det mange som ikkje tenkjer på at dei risikerar å utsettja seg sjølv for stor fare om dei går langs vegen i mørke Halloween-kostymer.

- I mørke kostymer og utan refleks, er det nesten umogleg for ein bilist å få auge på barna, sjølv med gatelys som fungerar, seier Arne Voll, informasjonssjef i Gjensidige.

Sy inn refleks

Risikoen for å bli påkøyrd i mørket blir redusert med heile 85 prosent om du nyttar refleks.

– Sjølv om barnet ser bilen, så ser ikkje alltid bilisten barnet.

- Kle barna med refleks eller sy inn refleksar i kostymane. Med litt kreativitet kan det bli kule effektar som gjer det moro for barna å nytta refleks, seier Voll.

Gje refleks og gotteri

Sjølv om barnet ser bilen er det ikkje sikkert «bilen ser barnet». Han oppfordrar difor alle som får Halloween-gjester på døra til å ta ansvar for at barna er synlege i trafikken.

- Mange har refleksar liggande i skuffer og skap til ingen nytte.

– Har du ein til overs så gi den samen med godteriet og sørg for at barna trygt kan ha det moro på halloween, seier Voll.

98 blei påkøyrd i fjor

I fjor blei det meldt om 98 påkjørsler av fotgjengarar og syklister i trafikken i Hordaland. I tillegg regner forsikringsbransjen med store mørketal av skader som ikkje blir meldt.

35 prosent av fotgjengarulykkene skjer i mørket, og berre omlag fem prosent av dei som blir skadd nyttar refleks. Kvart år døyr i gjennomsnitt mellom 20 og 25 fotgjengarar i trafikken i Noreg og rundt 85 blir alvorleg skadd.

- Utan refleks er du synleg først på 25-30 meters hold. Dette betyr at ein bilførar som kjøyrer i 50 km/t, kun har omlag to sekund på å reagera før det smell.

– Nyttar du refleks er du synleg på 140 meter når bilen køyrer med nærlys. Har den fjernlysa på kan bilføraren sjå deg på 400 meters avstand.

– Desse ekstra sekunda er nok til at bilføraren har tid til å reagera og liv kan reddast, avsluttar Voll.

(Kilde FNO, SSB og Trygg Trafikk)