Bevisstlaus i bil

Ambulanse og politi rykte i natt ut på noko som såg ut som ei bilulykke. Ein person blei tatt med av politiet, mistenkt for å ha tatt overdose.

Kjetil Vasby Bruarøysøndag 26. apr. 2009 06:07

Forbipasserande skal ha reagert på ein bevisstlaus kar i ein bil nær flystripa på Ulvensletta. Dei klarte ikkje å få liv i vedkomande, og kontakta då politiet.

- Meldinga kom klokka 03.15. Vi trudde først at det hadde vore ei ulykke, seier operasjonsleiar Konrad Grindeland.

Slilk politiet oppfattar det, har mannen vore saman med fleire, men tre personar gjekk frå staden då kameraten tok kveld. Dei fekk liv i mannen og han blei sjekka ut av lege på staden før transport til overnatting i arresten i Bergen.

- Vi mistenker at det er snakk om eit overdosetilfelle, seier Grindeland.

Slåsting og promille
I 1-tida i natt blei politiet oppringt av ein som hadde blitt slått i Os sentrum. Politiet hadde ikkje kapasitet til å rykka ut, men innringaren sa han skulle melda episoden seinare.

Politiet har også fått melding om brann, som viste seg å vera brotebrann, og mistanke om promillekjøring, der dei ikkje fann den mistenkte bilen.