Bigbang kjem til Os
Osfest slepp i dag to nye namn.
Bildeserie:
I dag kjem magasinet Midtsiden i postkassane i Os og Bergen sør.
I magasinet, som du kan bla i her, slepp Osfest to nye namn til årets festival, 1. og 2. august i Os sentrum.
– Bigbang og Valkyrien Allstars er klare for Osfest, fortel Ole Reinert Berg-Olsen til magasinet Midtsiden.
Bigbang: Etablert i 1992 og mest kjent for låta Girl in Oslo (2000). Bigbang samla full plen då dei var det historiske siste bandet på scenen på siste utgåve av Søfteland Rock N LOL i fjor.
Albumet Epic Scrap Metal (2011) toppa VG-lista og blei liggande på lista i heile 21 veker.
Også The Oslo Bowl (2013) gjekk rett til topps på VG-lista og heldt seg på lista i 8 veker.
Valkyren Allstars: Hardingfeletrio som med utgangspunkt i folkemusikk er innom ulike sjangrar med heilt eige uttrykk.
Bandet blei nominert til Spellemannsprisen for debutalbumet i 2007, gav ut To måner i 2009 og Ingen hverdag i 2011.
Frå før er DumDum Boys, Jim Stärk, Steinar Albrigtsen, Jørn Hoel, Eirik Søfteland, Gina Aspenes og Green Granadas klare for Osfest.
VIDEO: Valkyrien Allstars, Ingen hverdag.