Bil, båt og brygge i og under vatn
Uvêret «Didrik»: Stille stormflo i Os hamn.
Bildeserie:
På dagtid tysdag var det 171 cm høg vasstand i Os (sjå video), på full flo klokka 01.46 natt til onsdag var vasstanden meldt til 196 cm.
I Mobergsvikjo var stupebrettet så vidt over vatn, i den nyare marinaen innanfor moloen har minst to av flytebryggene stramme kjettingar til land, og inste del av den eine brygga hadde vridd seg.
Fleire bilar blei ståande i vatn
I Brugata gjekk vatnet forbi restauranten Ilya i Buggegården, og inngangsdøra til tannlegane i Handlegården - men ikkje heilt til Aktiv 365 si dør, slik vi såg for rundt 10 år sidan (då Posten leigde i lokalet).
Trass fleire åtvaringar var det likevel fire parkerte bilar på kaien, og kanskje nokre i det nye garasjeanlegget, og brannvesenet fekk bekymringsmelding.
– Sjøen er på veg ned no, og vatnet står berre til hjula. Innringar frykta at nokre av bilane skulle bli skadd eller flyta ut på elva, fortel utrykkingsleiar Morten André Moberg i 2-tida.
Båt gjekk ned i Hatvik
Klokka 02.20 kom det melding om ein båt som har gått ned på Hatvik.
Båten låg fortøydd, ifølgje meldar var det berre baugen som stakk opp.
Kan bli verre onsdag
I morgon er det full flo klokka 14.00 i Os.
Då skal vasstanden vera 4 cm lågare enn i natt, men vindstyrken skal opp i 7-9 m/s mot blikkstille i natt.
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.