Lokal | 08. nov. 2012
To bilar tok to hjortar
Kolle og kalv skulle kryssa Halhjemsvegen i dag. Dei blei påkjørt av kvar sin bil.
Kjetil Vasby Bruarøytorsdag 08. nov. 2012 09:09
Torsdag i 7.30-tida kjørte ein bilførar på ein hjort på Halhjemsvegen, mellom vekta og Lepsøykrysset.
– Då han kom ut av bilen høyrte han ein smell. Då blei nok ein hjort påkjørt, kalven til det første dyret, fortel Tommy Grindheim.
Grindheim er viltkontakt og bur i Solbakken. Han kom raskt til staden.
– Kalven var daud, men kolla låg i grøfta og var framleis i live.
Grindheim avliva kolla og har saman med andre viltkontaktar tatt hand om dei daude dyra.
Ingen personar blei skadd og begge bilane var kjørbare etter samanstøytane.