Bilbrann nær hus
Takrennene smelta medan bileigaren prøvde å sløkkja med hageslange. Brannvesenet kom akkurat tidsnok fram til at husbrann blei hindra.


- Brannen starta medan eigaren heldt på å skru på den. Bilen sto parkert tett med bustaden, og det gjorde det heile meir dramatisk, seier varabrannsjef Arne Monsen.
Med to pulverapparat og hageslange prøvde eigaren både å sløkkja og hindra brannen i å spreia seg til huset.
- Då vi kom fram sto bilen framleis i flammar. Takrennene var smelta og eit vindauge hadde sprukke. Hadde det blitt hol i vindauget ville nok flammane stått inn i huset, seier Monsen.
Politi og brannvesen rykte ut til Thuen i 19.45-tida. Brannen blei sløkt raskt og ingen kom til skade.
- Vi vinsja vekk bilen etter at den var sløkt. Også ein skuter blei totalskadd i brannen.