Blei funnen i eit bosspann i natt
Ber eigar ta kontakt.
I 02-tida natt til 1. januar blei ein katt funnen i eit bosspann til ein bustad på Nore Neset.
– Eg skulle låsa opp for dottera mi, som kom heim på den tida, då eg høyrde fleire dunk frå spannet, fortel ein innringar.
Ho veit ikkje korleis katten kom seg oppi bosspannet, men tok den med inn for å sjå at alt sto bra til med den.
– Katten har blitt verande inne. Eg har ikkje sett den i nabolaget før,så om den har rømt langt, grunna fyrverkeriet, eller om dette er noko som er utført av pøblar, så er det mogleg at den ikkje finn vegen heim, forklarer ho.
Saknar du ein katt som liknar den på bildet? I så fall kan du kontakta vedkomande som har katten på (nummeret er fjerna etter at eigar meldte seg).
OPPDATERT: Eigar kontakta finnar og henta katten laurdag ettermiddag/kveld.
