Lokal | 21. juli 2013

Blei henta to gongar

Først blei han henta for å kjøra båt i fylla. Då han ikkje klarte å halda seg borte frå Ervikane måtte politiet henta han igjen og setja han i fyllearresten.

Blei henta to gongar
Politiet måtte henta ein kar i 40-åra frå Ervikane i 04-tida natt til sundag (mobilfoto: Kjetil Vasby Bruarøy)
Andris Hamresundag 21. juli 2013 11:45

Om lag kvart på elleve laurdag kveld rykte politiet ut til Ervikane etter melding om mogleg båtfyll.

– VI tok med oss ein kar i midten av førtiåra til legevakt for utvida blodprøve.

– Han fekk pålegg om å halda seg vekke frå Ervikane fram til sundag formiddag, men det klarte han ikkje, fortel politiførstebetjent Audun Hadler-Olsen.

Midt på natta har karen reist ut igjen i Ervikane og starta å laga problem for dei andre båtgjestane som låg der.

– Då var det berre å dra ut igjen og henta han ein gong til. Denne gongen blei kan tatt med til drukkenskapsarresten.

– Han vil bli meldt for fleire forhold, fortel Hadler-Olsen.

Også frå Strøno måtte politiet ta med seg ein kar til fyllearresten.

– Der blei ein person i 20-åra meldt for brot på §9 - som har med drikking å gjera, og kjørt til fyllearresten.

Barn på flåte

Tidlegare laurdag kveld, i 20.30-tida, fekk politiet ei bekymringsmelding om nokre barn som var på ein flåte ved Vågedalen.

– Dei skulle mest sannsynleg ikje ha redningsvestar på seg.

– Meldar var uroa for dei og ba om assistanse.

– Før vi kom ut der fekk vi melding om at tre båtar hadde lagt ut til flåten for å hjelpa dei, så oppdraget fell bort for vår del, avsluttar politiførstebetjenten.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.