Blei hissig etter kollisjon
• Amper stemning i Lysefjorden.• Syklist vs bilførar på øving.• Tjuveri av båt i Askvik.
Måndag i 11.30-tida var det eit trafikkuhell på Lyseklostervegen.
– Ein av partane melder at den andre nekta å fylla ut skademeldingsskjema og nekta å visa førarkortet sitt, fortel politioverbetjent Terje Sperrevik.
– I tillegg skal han ha vore aggressiv ovanfor kameraten til meldar.
Episoden blir kanskje politimeldt og vil i så fall bli følgt opp.
Øvelseskjørt og kolliderte med sykkel
I 15.30-tida måndag, i 30-sona på Nore Neset, var det eit uhell med sykkel og bil involvert.
– Bilisten var ein ungdom på øvelseskjøring, fortel Sperrevik.
Det er førebels uvisst kva som skjedde, men syklisten har meldt frå om personskade så det blir oppretta sak.
Båt stolen i Askvik
Ein eldre båt med påhengsmotor er meldt stolen.
– Båten låg i ei brygge i Askvik, men er no vekke.
Båten er av eldre modell, har kvitt skrog og raud topp.
Gjekk midt i vegen
Rundt midnatt måndag kveld fekk politiet melding om ein mann som gjekk midt i hovudvegen.
– Mannen blei funnen og kjørt til Nesttun, der han høyrer heime, opplyser politiet.
Politiet fekk også melding om naudbluss rundt Solstrand i går, observert frå Fusa.
– Forsvaret har ein del øvingar i Os for tida, vi reknar med lyset kjem frå ei øving.