Sport | 06. okt. 2019

Blei for lett for Fjøra

Os tapte sesongens nest siste heimekamp.

Blei for lett for Fjøra
Fjøra kjempar om å halda seg i divisjonen, og såg ut til å villa mest på Kuventræ i går. (Foto: KVB)
Kjetil Vasby Bruarøy
Kjetil Vasby Bruarøysøndag 06. okt. 2019 08:45

Bildeserie:

Harry Moore på heil volley, hardt, men rett i motspelar. (Foto: KVB)
Harry Moore på heil volley, hardt, men rett i motspelar. (Foto: KVB)
Eit litt heldig treff på innlegg frå frispark. 0-1 i 15. minutt. (Foto: KVB)
Eit litt heldig treff på innlegg frå frispark. 0-1 i 15. minutt. (Foto: KVB)
Torgeir Lunde fyrte av. (Foto: KVB)
Torgeir Lunde fyrte av. (Foto: KVB)
Steffen Kvamsdal heada returen mot mål. (Foto: KVB)
Steffen Kvamsdal heada returen mot mål. (Foto: KVB)
Vegard Strønen Skeie underviste Fjøra i turn. (Foto: KVB)
Vegard Strønen Skeie underviste Fjøra i turn. (Foto: KVB)
... og rakk nesten å hindra 0-2-skåringa. (Foto: KVB)
... og rakk nesten å hindra 0-2-skåringa. (Foto: KVB)
Moldskred fyrte av, minuttet etter at han kom innpå. (Foto: KVB)
Moldskred fyrte av, minuttet etter at han kom innpå. (Foto: KVB)
Anders Havsgård kom til mange innlegg, men dette blei blokkert. (Foto: KVB)
Anders Havsgård kom til mange innlegg, men dette blei blokkert. (Foto: KVB)
Håvard Stedje måtte av banen etter å ha blokkert innleggsforsøket. (Foto: KVB)
Håvard Stedje måtte av banen etter å ha blokkert innleggsforsøket. (Foto: KVB)
Dagens Os-spelar; Marius Mikkelsen. (Foto: KVB)
Dagens Os-spelar; Marius Mikkelsen. (Foto: KVB)
Torgeir Lunde fyrte av, men utanfor lengste stolpe. (Foto: KVB)
Torgeir Lunde fyrte av, men utanfor lengste stolpe. (Foto: KVB)
Ny kontring, nytt mål, 0-3 i 77. minutt. (Foto: KVB)
Ny kontring, nytt mål, 0-3 i 77. minutt. (Foto: KVB)
Rune Mo krangla til seg ballen i ein kort brytekamp, men Os klarte ikkje å redusera før slutt. (Foto: KVB)
Rune Mo krangla til seg ballen i ein kort brytekamp, men Os klarte ikkje å redusera før slutt. (Foto: KVB)
1 av 13
Harry Moore på heil volley, hardt, men rett i motspelar. (Foto: KVB)
Eit litt heldig treff på innlegg frå frispark. 0-1 i 15. minutt. (Foto: KVB)
Torgeir Lunde fyrte av. (Foto: KVB)
Steffen Kvamsdal heada returen mot mål. (Foto: KVB)
Vegard Strønen Skeie underviste Fjøra i turn. (Foto: KVB)
... og rakk nesten å hindra 0-2-skåringa. (Foto: KVB)
Moldskred fyrte av, minuttet etter at han kom innpå. (Foto: KVB)
Anders Havsgård kom til mange innlegg, men dette blei blokkert. (Foto: KVB)
Håvard Stedje måtte av banen etter å ha blokkert innleggsforsøket. (Foto: KVB)
Dagens Os-spelar; Marius Mikkelsen. (Foto: KVB)
Torgeir Lunde fyrte av, men utanfor lengste stolpe. (Foto: KVB)
Ny kontring, nytt mål, 0-3 i 77. minutt. (Foto: KVB)
Rune Mo krangla til seg ballen i ein kort brytekamp, men Os klarte ikkje å redusera før slutt. (Foto: KVB)

Os tok i går imot Fjøra til 23. serierunde. Fjøra vann berre 2 av sesongens 14 første serierundar, og tapte 0-4 for Os heime, men slo Vestfossen og Strømsgodset 2, og spelte 2-2 mot serieleiar Vard Haugesund, før dei i går kom til Kuventræ.

I går blei det ganske jamt i sjanseproduksjon, men gjestane sine sjansar var større, og utteljinga langt betre.

– Vi visste kva som venta oss, at dei er eit aggressivt, tettliggande lag. Planen var å ta ut kontringspunkta deira, men det var vi ikkje gode nok til. I tillegg slit vi framleis med å skåra på eit etablert forsvar, seier trenar Endre Brenne etter kamp.

Os - Vestfossen 0-3 (0-1)
Tropp og kampfakta på fotball.no

Fjøra tok det første initiativet, men rundt ti minutt ut i kampen blei Os det mest ballbesitjande laget. 0-1-skåringa på innlegg frå frispark i 15. minutt endra ikkje det spelemessige overtaket, og Os fekk pumpa på med innlegg, særleg frå Anders Havsgård og Marius Mikkelsen.

Kaptein Mikkelsen, som blei kåra til dagens Os-spelar, hadde både skot og heading over mål i begge omgangar, også Rafael Villén hadde skot rett over tverrliggar før og etter pause.

Ein av dei største sjansane før pause var ein dobbelsjanse der Steffen Kvamsdal heada retur av skot av Torgeir Lunde, men rett på keeper.

0-2 kom på kontring frå spiss vinkel, etter ein løpsduell Vegard Strønen Skeie såg ut til å ha full kontroll på, men det Malvin Gjerde akkurat rakk å skyta før Skeie sette inn støtet. 0-3 kom på kontring etter Os-corner. Os fekk kontroll på ballen igjen, men mista den på ei upresis pasning og Gjerde blei sendt på løp igjen.

Mats Cato Moldskred, som er småsjuk og starta på benken, hadde eit hardt skot minuttet etter at han kom innpå, men også dette var rett på keeper.

9 poeng over streken

Os ligg framleis på 8. plass etter gårsdagens tap, 9 poeng framfor Vestfossen, som har 4 kampar igjen.

Fjøra ligg rett over streken, og tok viktige poeng før dei rundar av sesongen mot Fana, Djerv 1919 og derby mot Sogndal 2.

Os har òg ein tøff innspurt, Stord borte, Vard Haugesund heime og Lysekloster borte i serieavsluttinga.

Vestfossen har fire kampar igjen. Dei går mot Strømsgodset 2, Sogndal 2, Brann 2 og botnlaget Valdres. Om Vestfossen vinn alle desse, treng Os éin siger til for å unngå nedrykk.

• Terminliste og tabell på fotball.no

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.