Lokal | 28. jan. 2017
Blei oppsøkt av dame som var utsett for vald
Politiet rykte ut og tok mannen med i arresten.
Kjetil Vasby Bruarøylaurdag 28. jan. 2017 09:34
I 21-tida fredag kveld blei ein innbyggar i ein krins i Os oppsøkt av ei kvinne som hevda at ho var utsett for vald.
Kvinna, som er i 20-åra, var lettare skadd.
Både politi og ambulanse blei kontakta.
– Det er snakk om eit familieforhold, fortel Kjersti Eidsnes, operasjonsleiar i Vest politiditrikt.
Ein patrulje rykte ut og pågreip mannen, som er i 30-åra.
– Han har vore i arresten i natt og vil bli avhøyrd i dag.
– Ambulansepersonell sjekka skaden til kvinna. No blir det opp til jurist, etter avhøyr, kva som skjer vidare, seier Eidsnes.