Blei provosert og slo

Det var på ein privat fest i oktober mannen i byrjinga av 20-åra blei provosert av ein av dei andre festdeltakerane, noko som enda med at tiltalte slo provokatøren fleire gonger i ansiktet med det resultat at ei tann knakk og måtte behandlast.

Saka blei handsama i Nordhordland Tingrett i sluten av mars.

Bakgrunn for hendinga var at den fornærma hadde høyrt noko om at tiltalte var homofil og provoserte tiltalte gjennom utsagn som "sant du er homo" og "du er jo det". Eit vitne uttalte i retten at utsagna blei oppfatta som provoserande. Dei to kjende ikkje kvarandre frå før. Båe partane var påverka av alkohol då episoda skjedde.

"Berettiga harme"

Då retten vurderte saka blei ikkje spørsmålet om seksuell legning i seg sjølv vurdert som krenkande, men måten dette blei framført på blei vurdert som provoserande og at voldutøvinga blei foretatt i "berettiga harme" som omtala i straffelova sin § 56 nr 1 bokstav b. Dette blei lagt vekt på i formildande retning av retten.

Tiltalte er ikkje tidlegare straffa og erkjente i retten straffeskyld etter tiltala.

Då tiltalte blei klar over skadane han hadde påført fornærma fekk han kontakt med vedkommande via bekjente og beklaga. Han tilbau seg samstundes å dekkje eventuelle kostnader tiltalte hadde hatt for å reparere tanna. Han var då ikkje klar over anmeldelsen.

120 dagar, 90 dagar betinga

Retten kom fram til at det måtte reagerast med fengselstaff, men var einig med aktor at delar av straffa kunne gjerast betinga då tiltalte hadde vore samarbeidsvillig og ønskja å gjere opp for seg ovanfor den tiltalte.

Mannen blei dømt til 120 dagar fengselstraff, kor 90 dagar blei gjort betinga med ei prøvetid på to år. Mannen samtykka i å betale erstatning i samsvar med det framsatte kravet på 3547,10.

Det blei ikkje idømt saksomkostningar.