Blei truga av leigetakar
Krangel om husleigeforhold, kranglete kvinne i taxi og manglande tollklarering var blant det politiet var innom i helga. I tillegg har vraket i Åsen blitt ståande.
I helga har politiet blant anna hatt dialog med sympatisk russ og fått melding om slåssing på essoen, og dei har fått melding om ras i Søvikåsen.
I tillegg har dei hatt nokre andre saker:
• Parkering ved Halhjemsvegen som sperrar for sikt. Saka blir følgt opp.
• Bil med dårlege dekk og i dårleg stand avskilta søndag.
• Stoppa utanlandsk bil med mangelfull tollklarering.
• Lommebok funnen på Irish Cat blei levert til politiet, som har fått tak i eigar.
Dritings på Moberg
– Vi har også fått melding om ein svært rusa person som delvis låg over autovernet på Moberg i nærleiken av Kiwi-butikken, fortel poltioverbetjent Terje Sperrevik.
Då patruljen kom fram var vedkomande vekke.
Kvinna var kvass i taxien
Ei kvinne som tok drosje til Søfteland søndag kveld skal ha nekta å betala heile beløpet.
– Ho skal også ha vore svært ufin med sjåføren, fekk vi melding om.
Krangel om husleige
Laurdag fekk politiet melding om krangel mellom ein husiegar og ein leigetakar.
– Det blei ein alvorleg krangel og leigetakar skal ha kome med trugslar retta mot huseigar. Saka blir meldt og vi følgjer opp, seier Sprerrevik.
Brann på Halhjem
Søndag kom melding om branntillaup i ein bustad på Halhjem.
Brannen var sløkt med pulverapparat før brannvesenet kom fram.
Vrak blei ståande
Den eine av dei to bilane som var involvert i frontkollisjon i Åsen 21. april står framleis i grøfta. Ei god veke etter kollisjonen skreiv vi om plyndring av vraket.
– Eg trudde den var fjerna, seier Sperrevik.
– Vi har vore i dialog med grunneigar, sidan vedkomande formelt må be oss fjerna den. Og det skal gjerast så snart som mogleg.