Bortesiger til Os
Vardeneset gjekk på sesongens første heimetap då dei tok imot Os i dag.
Lysekloster gjekk på sitt første heimetap på fire år då dei tok imot Vardeneset førre helg. I dag fekk Vardeneset smaka sin eigen medisin, då dei hadde Os på besøk.
– Eg såg av programbladet deira at heimelaget var sikre på siger i dag, derfor var det ekstra godt å vinna, seier Os-trenar Tore Nielsen.
Dette var Vardeneset sitt første tap på heimebane og Os sin første bortesiger sidan 2-0 over Fyllingsdalen 22. april.
Vardeneset - Os 2-3 (2-3)
Målskårarar, Os: Anders Kinden, Christer Olsen og Roar Vestbø.
– Anders Kinden gav oss 1-0 på kampens første sjanse og Christer Olsen hadde ein kjempesjanse rett før han sette inn 2-0.
Vardeneset reduserte og utlikna før Roar Vestbø gav Os leiinga igjen, og 3-2 sto seg kampen ut.
– Vi spelte årsbeste når det kjem til både struktur og duellspelet. I dag var vi kyniske og det var veldig godt å sjå slike tilbakemeldingar på det du planlegg på førehand, synest Nielsen.
Os: Anders Kloven - Håvard Grøteide, Stian Lunde, Børge Borgen, Torkel Hjertnes - Preben Borgen, Anders Kinden, Erik Kanestrøm, Stian Bakke - Roar Vestbø (Mats Lepsøe 80.), Christer Olsen (Egil Thuen 85.)
Os ligg på 4. plass på tabellen, men kan bli forbigått av Kopervik, om dei vinn sin kamp i 11. runde.
Os speler neste kamp på heimebane laurdag 22. juni mot Randaberg klokka 14.