Bråkete fest og utforkøyring med bil

Rundt klokka 02:30 i natt mottok politiet melding om feststøy frå ei adresse i Halhjemsmarka. Det vart meldt om høg musikk, roping og skriking.

– Generelt hensynslaus oppførsel overfor naboar, dette er ein gjenganger på feststøy. Politiet var på staden og påla festen som ferdig, vi har ikkje motteke nye meldingar etter dette, seier politibetjent Sindre Lekven Hallem.

Utforkøyring i Hegglandsdalen

I dag tidleg mottok politiet melding om utforkøyring i Hegglandsdalen, like sørvest for industriområdet. Bilen var kald når politiet kom til staden.

– Politiet snakka med bileigar, men kan ikkje bevise kven som var førar då ulykka inntraff. Eigar bur like ved ulykkesstaden. Politiet har foreløpig ikkje oppretta sak.

– Det er likevel verdt å nevna at det er straffbart å forlate ei ulykkesstad. Ein skal varsla politiet og bli verande på staden til politiet kjem, påpeikar Hallem.