Brann i Os Sjøfront

Bildeserie:

1 av 4

Litt før klokka 22 i kveld vart det oppdaga brann i ein leiligheit i Os Sjøfront.

Turgåarar oppdaga branntillaupet og varsla brannvesenet og Midtsiden parallelt.

– Vi høyrde ein alarm då vi gjekk forbi. Då vi såg inn var heile rommet grått av røyk og sprinklaranlegget slo seg ut, fortel ein av turgåarane til Midtsiden.

Brannvesenet, ambulanse og politi er no på staden, og blokkene er evakuerte.

OPPDATERT:

– Det var ingen i leilegheiten då brannen starta. Det er heller ingen av naboane som er skadd, fortel innsatsleiar frå politiet, Tom Johannesen til Midtsiden.

Årsaka er førebels ukjent, men det kan sjå ut som om brannen starta grunna feil bruk av eit elektrisk apparat.

Redda av sprinkelanlegget

Varabrannsjef Arne Monsen seier at brannen var sløkt av sprinkleranlegget då dei kom til staden.

– Vi sendte inn eit røykdykkarlag som konstaterte at brannen var sløkt og at det ikkje var folk i bustaden. Det var òg røyk i gangen utanfor, men dei fleste var heldivis evakuerte.

Sprinklane slår seg ut når dei når ein temperatur på rundt 69 varmegradar. Men det er éin og éin som slår seg ut, dermed var det berre den aktuelle leilegheiten som blei spylt med vatn.

Alarmen gjekk i alle etasjar.

– Eg har budd her i eitt år no, og det har vore falsk alarm 3-4 gongar allereie. Det var nok medverkande til at mange var seine med å koma seg ut, men her gjorde turgåarane ein viktig innsats. Dei kom inn i gangane og fekk alle til å koma seg ut av huset, fortel ein av dei som bur i blokka.