Branntilløp og narkotika
Det blei ei relativt roleg 17. maifeiring for politiet både på sjølve dagen og natta før.
Politioverbetjent Terje Sperrevik fortel at det i det store og heile har gått roleg for seg i Os og krinsane.
- Onsdag ettermiddag var vi på ei ransaking der vi greip ei kvinne og ein mann med mindre mengder narkotika.
- Dette blir det oppretta sak på.
Dette var ikkje den einaste befatninga politiet har hatt med narkotika dei siste dagane.
- På morgonkvisten i dag greip vi ein rusa mann i Os sentrum.
- Også han hadde mindre mengder narkotika på seg og vil få oppretta ein sak mot seg, fortel Sperrevik.
To branntilløp
Onsdag fekk politiet og brannvesenet melding om brann i Os sentrum.
- Det viste seg å ikkje vera brann, men noko røykutvikling. Det var ingen open eld.
- Nett no er politiet og brannvesenet ute på det som skal vera eit branntilløp på eit kjøken. Eg har førebels ikkje fått noko fleire detaljar om den saka, avsluttar Sperrevik.