Bring-serie hos Bjørnar
Laurdag er det heimekampar i Bring-serien for jenter 93/94, men kampane går ikkje i Oshallen.


Bring-laget Os jenter 93/94 er med på er som vi tidlegare har skrive om eit samarbeid mellom Os Turn og Bjørnar. Laget består av om lag like mange spelarar frå kvar klubb, men har fått namnet Bjørnar.
Også heimerunden i Bring-serien i morgon går under Bjørnar sitt tak.
- Vi håper mange osingar vil ta turen til Bjørnarhallen i Arna for å få med seg desse tre kampane til talenta frå Os, seier leiar i Os Turn Handball, Andris Hamre.
Møter tidlegare lagvenninner
Før kampane laurdag ligg Fana på 1. plass med siger i alle sine første fire kampar. Bjørnar (med Os) ligg på 7. plass med to sigrar og to tap.
- Fana er nok favoritt før runden. Ekstra spennande blir det å møte dette laget, sidan dei tidlegare Os-spelarane Emilie Christensen og Kristine Henriksen Haaland no spelar for Fana, seier Hamre.
Konnerud ligg på 12 (og siste plass) med 0 poeng, men har møtt dei laga som ligg øvst saman med Fana.
- Tar Bjørnar/Os to poeng på desse kampane skal dei vera nøgd. Og det kan dei klara.
Kampane:
Kl 12.00 Fana – Bjørnar/Os
Kl 14.30 Fana – Konnerud
Kl 17.00 Bjørnar/Os – Konnerud
Bjørnar /Os sitt lag i Bringrunden 5. desember i Bjørnarhallen
Bjørnar/Os stiller med mange 94-spelarar (4 av Os-jentene er fødd i 94). Dei har også ein spelar (Thea Samuelsen) som spelar fast på Bjørnar sitt førstedivisjonslag.
Spelarane:
Amalie Lindborg Bøyum (Os)
Aleksandra Hjelle (Os)
Anne Birthe Korsmo (Bjørnar)
Birgitte Fjærestad (Bjørnar)
Elisabeth Garnes (Bjørnar)
Hanne Gunnarskog (Bjørnar)
Kaia Randa Bertelsen (Os)
Line Hjelle Berentsen (Os)
Marie Skurtveit Davidsen (Bjørnar)
Silje Mykkeltvedt (Bjørnar)
Stine Hatland (Bjørnar)
Sunniva E. Storebø (Os)
Susann Rosvold (Os)
Thea Samuelsen (Bjørnar)
Vilde B Fagerbakke (Os)