Bulka i Lepsøykrysset
Ingen blei skadd då ein Mercedes kjørte i hekken på ein BMW i Lepsøykrysset i dag.
Bildeserie:
I 17-tida laurdag var det ei påkjørsle bakfrå like ved Lepsøykrysset.
To bilar som kom frå Os svingte inn på Lepsøyvegen. Den fremste skulle til venstre for å kjøra til Lekven, men det kom bilar i mot, så den måtte bremsa opp. Bilen bak klarte ikkje å stoppa i tide.
- Ingen blei skadd, så politiet er ikkje tilkalla, seier føraren av den bakerste bilen.
Han var åleine i Mercedesen. I BMW-en sat det tre gutar og ei jente. Ingen av dei heller blei skadd.
- Eg stoppa for å svinga av mot Lekven. Eg trur ikkje bilen bak var bortpå bremsepedalen ein gong, for det small godt. Heldigvis er vi like heil, seier føraren av BMW-en.
Krysset mellom Lepsøyvegen og vegen som går til Nedre Lekven ligg heilt i krysset mellom Halhjemsvegen og Lepsøyvegen. Ei Facebook-gruppe har engasjert seg i det ulykkesbelasta krysset, og i mars var ordførar Terje Søviknes i hastemøte med distriktvegsjefen.
(Midtsiden.no har ikkje fått over eller kategorisert heile arkivet frå den gamle versjonen av sida enno, men sakana frå mars er på plass.)