Bygdas første skøytehall

Bildeserie:

1 av 3

Sverre Lunde Pedersen fekk æra av å opne den 35 kvadratmeter store skøytebanen på Telthusplassen i Os sentrum laurdag. Med 20-30 ivrige skøyteungar klare til å teste kunstisen tok skøytestjerne dei første skøytetaka og inspirerte dei yngre til kanskje å satsa på den gamle nasjonalidretten.

William skaffa telt

I regnet fredag kveld fann Kjetil Osablod Grønvigh og dei andre i kultureininga i kommunen ut at dei kunne ikkje ha ei skøytebane utan ly for vêret.

– Eg visste at den nytilsette sentrumssjefen William Lindborg hadde telt frå tida med Rock'n LoL, så han fekk ein tjuvstart på den nye jobben og kom med teltet. Fredag kveld fekk vi, med god dugnadhjelp og ikkje heilt utan pluder, opp rammeverket, før vi i førmiddag fekk på teltdukane og bardunert det heile, så no har vi Os sin første skøytehall, fortel ein litt sliten Grønvigh ein time etter at Sverre sto for opninga.

Høg aktivitet

Skal ein døme ut frå dei første timane blir skøyteteltet eit populært tilskot i desember.

– Vi har vel hatt ein 20-30 ungar som har kost seg på isen her dei første timane. Det er ikkje noko problem å gå på den med vanlege sko, men i det du får på deg skøytene så er det god gli. Vi boner plasten for å få den gode gliden. Vi har aldri gjort det før, så det blir litt prøving og feiling, forklarar Osablod Grønvigh.

Skøytehallen vil vera open kvar dag i desember unntatt 1. juledag.