Byggestart for spes-ped

Bildeserie:

1 av 4

Bygginga av spesialpedagogisk senter på Kuventræ er endeleg i gang. Mester Yrkesbygg er hovudentreprenør, og nyleg fekk selskapet midlertidig graveløyve.

- Byggesaka skal opp i plan- og bygningsutvalet torsdag denne veka, og arbeidet med å reisa bygningen held etter planen fram når tomta er klar, seier rådmann Knut Terje Rekve.

På denne tida neste år skal senteret stå ferdig.

Justerer framleis på innhaldet
Sju ungar som i dag er på avlastingssenteret på Mobergslio skal frå første stund ta senteret i bruk. Foreldregruppa har vore sentral i planlarbeidet.

- Det har vore veldig nytting. No har eg nettopp fått tilbake dei siste justeringane frå arkitekten, og skal visa desse for foreldregruppa i eit møte om kort tid, seier kommunalsjef for helse og sosiale tenester, Nils-Petter Borge.

Han fortel at bu-delen av senteret, som er på 545/517 kvadratmeter, skal innehalda tre permanente bustadar og sju rom for periodisk avlasting. I tillegg kjem kontor, personalrom og lager for blant anna hjelpemiddel.

Aktivitetar og opplæring
Den andre delen av senteret blir om lag like stor. Her kjem kontor, sanserom, kjøkken, ein 200 kvadratmeter stor scene og eit større aktivitetsrom.

Undervising skal ungane få på skulane dei høyrer til, men det skal bli eit pedagogisk opplegg også i aktivitetsdelen av senteret.

I bildeserien under kan du sjå fleire bilde frå tomta, og ei skisse av korleis ferdig senter skal sjå ut.